Logo des Projektträgers: Kulturraum Oberlausitz-Niederschlesien

Projektträger

Kulturraum Oberlausitz-Niederschlesien
Netzwerkstelle Kulturelle Bildung
Bahnhofstraße 24
02826 Görlitz

Informacije w serbšćinje

KuBiMobil je projekt mobility kulturneho ruma Hornja Łužica-Delnja Šleska, kotryž Sakske statne ministerstwo za wědomosć, kulturu a turizm spěchuje. Z nim so přistup k poskitkam kulturneho kubłanja w kulturnym rumje wolóža.

Kubłanišća, kaž šule, pěstowarnje a horty, móža sej jězbne wudawki přez KuBiMobil podźělnje zarunać dać, hdyž so na projekt kulturneho kubłanja podadźa, kiž so pedagogisce sposrědkuje. KuBiMobil mjenujcy z najwšelakorišimi kulturnymi zarjadnišćemi wokrjesow Zhorjelca a Budyšina kooperuje – z dźiwadłami, muzejemi, sociokulturnymi centrami, zwěrjencami a mnohimi dalšimi. Lisćinu wšitkich kooperaciskich partnerow*kow namakaće pod dypkom „Kulturbetriebe“.

Puć je cyle jednory:

kročel 1: syći KuBiMobil přistupić

Kubłanišćo a KuBiMobil wotzamknjetej kooperaciske dojednanje, kiž płaći za aktualne kalendariske lěto. Z tym je Waše zarjadnišćo dźěl syće KuBiMobil a směće sej jězbne wudawki podźělnje zarunać dać, kaž často je trjeba. Dojednanje namakaće pod „Downloads“ – trjebaće je jenož wućišćeć, podpisać a na póstowu adresu KuBiMobil pósłać.

kročel 2: jězbu planować a próstwu zapodać

Hdyž su kulturne zarjadnišćo, pedagogisce sposrědkowany poskitk a termin Wašeje ekskursije jasne, kalkulujće jězbne wudawki. Za to móžeće sej poskitk busoweho předewzaća wobstarać abo wupytajće sej zwisk ze zjawnym wobchadnym srědkom. Nětko wupjelńće online-formular we wobłuku „Downloads“. Potom dóstanjeće powěsć nastupajo podźělne zarunanje jězbnych wudawkow.  

pokiw: Su-li jězbne wudawki w cyłku wyše hač 500 €, trjebamy tři poskitki. Móžeće sej je na přikład wot třoch wšelakich busowych předewzaćow wobstarać a (z póstom abo digitalnje) projektnemu běrowej pósłać.

kročel 3: wotličenje a zarunanje kóštow

Wućišćće sej prošu wobkrućenku wo wobdźělenju a wzmiće sej ju na ekskursiju sobu. Sobudźěłaćer*ka kulturneho zarjadnišća njech ju Wam podpisa. Pósćelće tutón original hromadźe z kopiju zličbowanki za bus abo z originalnymi jězdźenkami zjawneho wobchada na našu póstowu adresu. Po tym Wam jězbne wudawki zarunamy.

pokiw: KÓŽDA wobdźělena wosoba (tež přewodnicy) dyrbja 2 € za jězbu do kulturneho zarjadnišća płaćić.

Maće-li prašenja, wobroćće so prošu na projektny běrow:

partnerka: Johanna Kuhl

telefon: 0151 58 23 67 31

e-mail: johanna_saskia.kuhl@kreis-gr.de

adresa projektneho běrowa:
projektny běrow KuBiMobil
rumnosć 207
Dróha Otta Müllera 7
02826 Zhorjelc

Prošu dojednajće sej termin, chceće-li k nam do projektneho běrowa přińć.

póstowa adresa:

Kulturraum Oberlausitz-Niederschlesien
KuBiMobil
Bahnhofstraße 24
02826 Görlitz